كشف الفنان حسام حبيب كواليس علاقته بزوجته السابقة شيرين عبد الوهاب، وطبيعة علاقتهم حاليًا بعد الإعلان عن انفصالهم بشكل رسمي.

"أنا ما بعدتش عن شيرين علشان ارجعلها، مش مهم اسم العلاقة بينا إيه، المهم أننا في حياة بعض"، ده كان رده على سؤال إمكانية عودته لشيرين أو لأ، خلال لقائه مع الإعلامية منى عبدالوهاب في برنامج "على المسرح".

وقال كمان: "أحلى حاجة أنك تعلمي اللي قدامك إزاي يسامح، وكنت بقول لشيرين دائمًا أنا بحبك أكتر من الزعل، أنا بحبها بدرجة كبيرة جدًا بعاتبها وبتخانق معها لكن بيني وبينها لكن مقدرش أزعل لها".

وكانت شيرين نفت من عدة أشهر عودتها لحسام حبيب، وفي نفس الوقت أكدت على استمرار العلاقة بينهم كزملاء شغل بس.