في أول تصريح من نوعه بعد فترة من التوتر، اتكلم حسام حبيب عن علاقته بزوجته السابقة بشيرين عبد الوهاب، واعتذر لها علنًا قدام جمهورها.

حسام أعلن على هامش حفلته في موسم جدة 2025، إنه لو صدر منه أي تصرف أو كلام ضايقها، فهو بيعتذر بكل احترام، وأضاف: "أكنّ ليكي كل التقدير.. ولسه من معجبينك".

كمان وصفها بـ "نجمته المفضلة" وصوت الوطن العربي، وقال إنها فنانة مش عادية وصوتها عبقري وصعب يتكرر.

التصريحات دي جت بعد شهور من انفصاله عن شيرين، اللي كانت علاقتهم دايمًا محل جدل بين الرجوع والانفصال، لكن المرة دي الرسالة كانت واضحة: احترام ومشاعر طيبة من غير أي هجوم أو خلاف.