الجميل في مهنة التمثيل، أو في الفن عمومًا، إن الفنان ما بيموتش.. بيفضل حاضر في ذاكرتنا وقدام عنينا بأعماله طول الوقت.

ومن غرائب القدر الحلوة، إن الراحل سليمان عيد له دلوقتي فيلمين شغالين في السينما: "سيكو سيكو" و"فار بـ٧ أرواح".

في "سيكو سيكو"، الراحل جسد دور المستشار سليمان عبدالحي المحامي، شخصية جادة بعيدة تمامًا عن الكوميديا. وكان قال قبل كده إنه زهق من الكوميديا وعايز يجرب التراجيديا شوية!

أما في "فار بـ٧ أرواح"، فـ المفارقة هنا أغرب، لأن سليمان عيد طول الفيلم لابس كفن، وبيجسد دور ميت! والجثة بتتنقل بين أماكن غير متوقعة، في مواقف عبثية طريفة.

ما تنسوش تدعوله بالرحمة لما تشوفوه على الشاشة.