في خطوة محصلتش قبل كده، ظهرت قناة على يوتيوب بتجمع أغاني شيرين عبد الوهاب الجديدة اسمها "البوتاجاز"! مستغربين الاسم صح؟ تابعوا السطور الجاية علشان تعرفوا إيه الحكاية!

القصة ابتدت من حوالي إسبوع، بتصريح قالته شيرين مع الإعلامي عمرو أديب لما سألها عن مصير أغانيها الجديدة، اللي بيتم حذفها بمجرد نزولها، بعد أزمتها مع شركة روتانا، فكان ردها: "روتانا بتحاربني وبتحذف كل الأغاني من المنصات، ومهما عملوا هغني وهنزل الأغاني على البوتاجاز".

وبالفعل اتفاجئ الجمهور بصفحة  بإسم "البوتاجاز"، عليها أحدث أغاني شيرين، لكن بعد وقت قليل اختفت، وشيرين مأكدتش لحد دلوقتي إن "البوتاجاز" صفحة تخصها أو لا.

بالمناسبة، موجود دلوقتي على "تليجرام" أكونت اسمه برضه "البوتاجاز" وعليه أغاني شيرين الجديدة اللي اتمسحت، هتلاقوها هنا.