في مفاجأة للجمهور، النجم أحمد سعد أعلن عن أول تعاون غنائي له مع شقيقه الفنان عمرو سعد، من خلال أغنية بعنوان "أخويا"، واللي هتكون ضمن ألبومه الجديد "بيستهبل".

البرومو نزل على صفحاته وحقق تفاعل كبير، وبيظهر فيه عمرو بصوته لأول مرة، في حالة إنسانية قوية عن علاقة الإخوات.

الأغنية هتتطرح يوم الأربعاء 16 يوليو الساعة 7 مساءً، على يوتيوب وكل المنصات، ومن الواضح إنها هتكون من أهم تراكات الألبوم.

مش بس كده، الشقيقين بيحضروا لأول فيلم يجمعهم سوا، ودي أول مرة يمثلوا مع بعض في عمل سينمائي، وسط توقعات بإن الفيلم هيكون مختلف ويكشف عن كيميا قوية بينهم.

الجمهور متحمس يشوف التوليفة دي في الغنا والسينما، خاصة إن كل واحد منهم ليه بصمته المميزة في مجاله.