في اليوم الفي اليوم العالمي للتمريض، 12 مايو، مش بس بنحتفل بالملائكة اللي بينقذوا حياتنا، لكن كمان بنفتكر إزاي الفن المصري حاول يسلط الضوء على مهنتهم—مرات بجدية، ومرات بهزار، من توتر الطوارئ في "لحظات حرجة"، لحد كوميديا الإسعاف المجنونة في "55 إسعاف"، ومن مواقف العيادة النفسية الغريبة، لحد أطباء الامتياز في "بالطو" اللي بيكتشفوا الدنيا واحدة واحدة... الممرضين كانوا دايمًا في الصورة، بيقع عليهم العبء وبيفضلوا دايمًا في الخلفية، بس وجودهم هو الأساس.
مسلسل بالطو (2023)
القصة: المسلسل بيحكي عن "عاطف كامل"، دكتور امتياز بيتعيّن فجأة مدير لوحدة صحية في قرية نائية، وبيلاقي نفسه في دوامة مواقف طريفة وغريبة، ما بين تحديات الطب، والروتين الحكومي، ومشاكل الناس البسيطة. الطابع الطبي: بنشوف يوميات دكتور امتياز، من أول كتابة الروشتات لحد التعامل مع أهالي القرية، وبينهم حالات غريبة زي مريض بيعيط من غير سبب، أو واحدة مصممة تولد في وقت معين علشان المأذون!
مسلسل "لحظات حرجة" (2007)
دراما طبية عن أطباء وممرضين في مستشفى طوارئ، بيدور المسلسل حول الحالات اللي بتيجي للمستشفى، والتعامل الإنساني والمهني معاها، مع عرض الجانب الشخصي لكل دكتور أو ممرضة، بتعرض الأحداث مشاهد جراحات، إنعاش، حوادث، توتر أعصاب، ضغط قرارات طبية سريعة، وكل ده بيتم تصويره بطريقة شبه واقعية، وده خلاه من أوائل المسلسلات اللي بتعرض كواليس غرف العمليات في مصر.
سيت كوم العيادة (جزئين– بدأ 2008)
فيلم 55 إسعاف (2001)
كوميديا بتجمع بين محمد سعد وأحمد حلمي، شغالين في الإسعاف، وبيتخانقوا على كل حاجة، حتى الحالات اللي ينقلوها، وفي وسط ده، بتحصل مطاردات ومواقف كوميدية، زي إنهم ينقلوا الحالة على المستشفى الغلط أو يتصرفوا تصرفات مش مهنية بالمرة، لكن في إطار ضحك.
فيلم الحقونا (1989)
فيلم درامي إنساني عن طبيب بيكتشف جريمة اتجار في الأعضاء البشرية، وبيحاول يواجه المنظومة دي رغم المخاطر، بيتناول جانب مظلم من مهنة الطب، وهو استغلال الفقر والحاجة في تجارة الأعضاء، وبيطرح سؤال أخلاقي كبير: هل الدكتور يفضل ساكت ولا يدفع التمن عشان ضميره؟
