نشر بيتر ميمي مخرج مسلسل "الحشاشين"، عدد من الصور لفريق العمل خلال كواليس التصوير في مدينة مالطا الأوروبية، وده قبل رجوعهم للقاهرة، والسفر تاني "كازاختستان" لتصوير باقي المشاهد، استعدادًا للمنافسة في موسم دراما رمضان الجاي.

بيجسد الفنان كريم عبد العزيز شخصية "حسن الصباح" زعيم عصابة الحشاشين المتطرفة، بيواجه مشاكل كتير، وبيتحكم عليه بالإعدام، وبيساعده سجان على الهروب.

العمل يعتبر من أقوى إنتاجات "سينرجي"، وبيضم عدد كبير من الفنانين منهم، فتحي عبد الوهاب، شريف سلامة، ميرنا نور الدين، أحمد كشك، محمد علاء جمايكا، أمير المصري، سوزان نجم الدين، ياسر على ماهر، والمسلسل من تأليف عبد الرحيم كمال.

بالمناسبة الحشاشين مش بس فئة متعاطي مخدر الحشيش، لكن ليها ترجمات ومعاني تانية كتير في اللغات الأوروبية، يعني لفظ الحشاشين بيطلق على القاتل المحترف المأجور، ودي الفكرة اللي بتدور حواليها أحداث العمل.