عشاق الطرب الأصيل والسميعة، استعدوا لسلسلة حفلات جايلكم في الطريق، ضمن فعاليات مهرجان قلعة صلاح الدين الدولي للموسيقى والغناء في دورته الـ32، حفلات المهرجان السنة دي هتناسب كل الأذواق والأعمار.

ماتيجوا نعرف تفاصيل أكتر في السطور الجاية.

1- مبدأيًا، المهرجان هيقام في قلعة صلاح الدين، زي كل سنة، لكن مع شوية تجديدات هتاخدكم لعالم رومانسي ساحر.

2- أول حفلات المهرجان هتنطلق يوم الخميس 15 أغسطس، الساعة 8:00 بالليل، ومستمرة على مدار 14 ليلة متواصلين لحد الخميس 28 أغسطس.

3- المهرجان هيضم حوالي 31 حفلة، بمعدل حفلتين متتاليتين على مسرح المحكى، وحفلة على مسرح خارجي جديد، يوميًا.

4- الحفلات متنوعة سواء كانت في نجومها أو مزيكتها، بتضم: "لؤي، هاني شاكر، مدحت صالح، هشام عباس، مصطفى حجاج، على الحجار، إيهاب توفيق، بلاك تيما، سمر طارق، عزيز مرقة، الشيخ ياسين التهامي، كارمن سليمان، نسمة محجوب، الموسيقار عمر خيرت، وأكتر".

5- أسعار تذاكر مهرجان القلعة رمزية، بتبتدي من 60 جنيه، مع زيادة متوقعة بسيطة، أما الحجز بيتم من على شباك تذاكر القلعة.

بنتمنالكم سهرات سعيدة.