مش كل الناس بتفضل الخروج من البيت في العيد، ولكل واحد أسبابه، وعلشان نقضي وقت لطيف محتاجين نظبط قعدة رايقة تبعدنا عن الضغوط وتروق علينا، والقعدة دي يلزمها فيلم أو مسرحية لطيفة، هو ده اللي إحنا عاملين حسابه وهتلاقوه في السطور الجاية..

العيال كبرت

أسرة مصرية مكونة من 3 أولاد وبنت، بعد ما يكبروا ونوع مشاكلهم بتكبر معاهم، بيمسكوا دليل على أبوهم إنه هيتجوز على أمهم الست الطيبة اللي بتحبه، فا بيساعدوها تغير من نفسها، وفي نفس الوقت بيحاولوا يمنعوا جوازة أبوهم كل ده بيحصل بطريقة كوميدية.

بطولة سعيد صالح، يونس شلبي،  حسن مصطفى، أحمد زكي، كريمة مختار، نادية شكري، تأليف بهجت قمر، إخراج سمير العصفوري.

الناظر

ناظر مدرسة شديد، بيتوفى وبيضطر ابنه الوحيد تولي إدارة المدرسة مكانه، وهو في الأصل فشل في الحصول على شهادة الثانوية العامة، فا بتبدأ مغامرات كوميدية لذيذة.

بطولة الراحلين علاء ولي الدين وهشام سليم وحسن حسني، وبيشاركهم أحمد حلمي، محمد سعد، بسمة، سامي سرحان، حنان الطويل، حمدي السخاوي. والعمل تأليف أحمد عبد الله وإخراج شريف عرفة.

كده أوكيه

بيتراهن مدير قناة فضائية مع مذيع على تحويل بنت الجنايني لنجمة مشهورة، وبنشوف هل الفلوس هتقدر تغيرها فعلًا ولا لأ!.

المسرحية بطولة: أحمد السقا، هاني رمزي، منى زكي، شريف منير، ياسمين عبد العزيز، من تأليف أحمد عفيفي، وإخراج سمير العصفوري.

الحفيد

ملحمة أسرية مكونة من 7 أفراد في أعمار مختلفة، بيحاول والدهم يوفرلهم حياة مناسبة رغم مطالبهم الكتير، الفيلم رايق وبسيط ومن أحلى تفاصيله الموسيقى التصويرية.

بيقوم ببطولته الراحلين عبد المنعم مدبولي وكريمة مختار ونور الشريف ومحمود عبّد العزيز، بجانب ميرفت أمين وعدد من الأطفال، إخراج عاطف سالم.

الواد سيد الشغال

بيهرب سيد من حكم بالحبس في فيلا عائلة ثرية، خاله بيشتغل طباخ عندهم، القدر بيخليه يتجوز بنت صاحب الفيلا كا مُحلل، لكن المفاجأة إنها هتحبه.

مشاهدة ممتعة.