في نهار وليالي رمضان، الراديو بيكون صاحب لناس كتير، صحيح طول السنة الراديو مليان برامج ومسلسلات، لكن في شهر رمضان كل حاجه بيكون لها طعم مختلف وخصوصًا "الراديو".
إذاعات راديو النيل أعلنت رسميًا عن برامجها الرمضانية، واللي هتضم مجموعة مسلسلات إذاعية بمشاركة كبار النجوم، يالا بينا نعرف هنسمع إيهء؟
محمد هنيدي – "أخطر خطير"
مسلسل كوميدي اجتماعي خفيف، بيحكي مواقف حياتية بيقع فيها الأبطال بطريقة جذابة.
العمل من تأليف صفي الدين حسن، ومن بطولة: محمد هنيدي، سوسن بدر، علاء مرسي، ومحسن منصور.
أحمد فهمي – "المتر براءة"
شاب بيتورط في مواقف محرجة ومضحكة في نفس الوقت، بسبب سوء فهمه للحياة، وبنسمع بيعدي المواقف إزاي!
بيشارك في البطولة مع أحمد فهمي، جيهان الشماشرجي، إسماعيل فرغلي، إبرام سمير، ومن تأليف محمد عدلي منصور، ومن إخراج صفي الدين حسن
أحمد حلمي – "سنة أولى جواز"
مسلسل كوميدي رومانسي بيركز على السنة الأولى في الزواج والمفارقات اللي بيواجهها الأزواج.
العمل بيشارك فيه أحمد حلمي ومعاه: عائشة بن أحمد، عارفة عبد الرسول، ليلى عز العرب، عماد رشاد، وفكرة أحمد عزام، تأليف أمجد الشرقاوي، إخراج أحمد نادر.
