بعد اختفائها عن الساحة الفنية، وإعلان رأيها في الفن والحجاب بوضوح، فاجأت حلا شيحة الكل، وقررت تظهر للناس من تاني بشكل جديد.

حذفت "حلا" كل صورها من حسابها الشخصي بموقع "إنستجرام"، وغيرت صورتها الشخصية لنفس الحساب، لصورة بدون حجاب، كمان نشرت في خاصية "الستوري" صورة مع بنتها، بترد فيها على جمهورها ومتابعيها، بعد الجدل الكبيراللي حصل اليومين اللي فاتت.

وقالت "حلا شيحة" كلام معناه، "إنها مش عايزة تتكلم في أي حاجه دلوقتي، إنها زي أي امرأة، وإن كل ست لازم تتأكد أنهامش الوحيدة في الشعور اللي بتعيشه، وكل مشاكل الستات ونضالاتهم واحدة".

وكان والدها الفنان التشكيلي أحمد شيحة، قال لوسائل إعلام بعد خلعها الحجاب في سبتمبر 2021، إنه اتكلم كتير مع حلابعد ارتدائها الحجاب، وقالها إن هيجي اليوم اللي هتخلعه فيه، بعد ما قلبها يتملي بالإيمان، ووقتها هتعرف إن الحجابمالوش علاقة بالله، أما قرار خلعها للحجاب فكان من غير تأثير لأي شخص عليها، ولكن بعد قراءة طن من الكتب في الموضوع ده.