روايح رمضان عند المصريين، مش بس زينة وفوانيس، لكنها أغاني اتعملت مخصوص للشهر الكريم، وفي المقال ده هنفتكر معاكوا موسيقى أعمال عرضت في رمضان أيام زمان، ممرتش علينا عادي، ومستحيل نسمعها ومنفتكرش رمضان وجماله.

المال والبنون

صوت علي الحجار مع حنان ماضي، بيعلموا كوكتيل حنين واشتياق للماضي، صحيح هو حزين حبيتين بس حلو.

تقدروا تسمعوه من هنا.

كلام من ذهب

علامة من علامات برامج المسابقات الرمضانية، قدمه الإعلامي الكبير طارق علام.

تقدروا تسمعوه من هنا.

ليالي الحلمية

غالبًا صوت محمد الحلو رمضاني بإمتياز، وفي ليالي الحلمية قدم عظمة على أشعار سيد حجاب، اسمعوا تتر الجزء الأول من المسلسل.

تقدروا تسمعوه من هنا.

الكاميرا الخفية

"اللقطات اللي واخدينها كلها طبيعية"، بساطة وخفة كده هتحسها وأنت بتسمع تتر، أنجح برامج كاميرا خفية ظهر على الشاشة، وبالمناسبة كانت من غناء أنوشكا، كان بيقدمه الفنان الراحل إبراهيم نصر.

تقدروا تسمعوه من هنا.

لن أعيش في جلباب أبي

رغم إن تتر المسلسل عبارة عن مزيكا بس من غير كلمات، لكنه بيفكرنابذكريات رمضان زمان، ألحان الموسيقار الراحل حسن أبو السعود.

تقدروا تسمعوه من هنا.