لو قررت دلوقتي تتفرج على فيديو كليب "على وضعنا" لـ محمد رمضان والنجم أحمد عدوية وابنه محمد مش هتلاقيه على يوتيوب! وكل اللي هتعرف توصله برومو للأغنية، أو صوت بس، السبب الحقيقي هنا هو "محمود بدر" عضو فريق "شارع 3"، كملوا السطورالجاية علشان تعرفوا الحكاية بالتفاصيل..

فاجأة وبدون مقدمات ووسط احتفال "رمضان" بتخطي أغنيته حاجز الـ 2 مليون مشاهدة، نشر مغني المهرجانات "محمود بدر"، فيديو بيقول فيه إنه قدر يحجب أغنية "على وضعنا" لمحمد رمضان من يوتيوب، لإنها ملكة ومتسجلة باسمه واسمها الأصلي هو "لسه ماتخلقش" ومش من حق حد غيره يغنيها، وأضاف إنه معاه مستندات رسمية تثبت حقه، واللي بالطبع بتأكد الاعتداء على حقوقه الملكية، بالتالي موقع الفيديوهات الشهير حذفها بعد التأكد من صحة كلامه.

كشف كمان إن "رمضان" تواصل معاه علشان يتنازل عن الأغنية، مقابل مبلغ قانوني، لكن موصلوش لاتفاق، وقال إنه هيطرحها بصوته وعنوانها الأصلي "لسه ما اتخلقش" قريب، وهيشاركه الغناء مطرب المهرجانات أورتيجا.

لحد لحظة كتابة المقال الفنان محمد رمضان ماردش على الأزمة دي ولا على السوشيال ميديا ولا في تصريحات صحفية.