نشرت شيرين عبد الوهاب على حسابها بإنستجرام، صورة وهي بتقرأ كتاب بريتني سبيرز "The Woman in Me"، وكتبت تعليق: "خلاص ما بقاش بيكل عيش"، وده أثار فضول كتير من جمهورها علشان يعرفوا تفاصيل الكتاب، إحنا هنتخصرهالكم في السطور الجاية…

مبدأيًا الكتاب نزل في الأسواق في أكتوبر 2023، وبيحكي إزاي بريتني تحولت من طفلة موهوبة لأكبر نجمة بوب في العالم! وعن "الوصاية القانونية" اللي فرضها عليها والدها لمدة 13 سنة، وحُرمتها من التحكم في فلوسها، شغفها، وحتى تفاصيل حياتها اليومية لحد ما أخدت حريتها بالقضاء.

الكتاب كسر الدنيا بسبب اعترافات شخصية وجريئة جداً، أهمها علاقتها العاطفية القديمة بالنجم جاستن تيمبرليك، وكشفت لأول مرة إنها اضطرت تعمل إجهاض بسببه لأنه مكنش عايز يبقى أب وقتها، كمان بتتكلم عن معاناتها مع الاكتئاب وضغط الصحافة اللي كانت بتطاردها في كل مكان.

بعد ما الكتاب حقق مبيعات خيالية بالملايين وبقى تريند عالمي، بريتني أعلنت إن قصتها دي هتتحول لفيلم سينمائي ضخم عشان الجمهور يشوف رحلتها كاملة على الشاشة.