كشفت الفنانة ياسمين صبري عن تفاصيل اهتمامها بصحتها ومظهرها، وكمان بعض العادات اللي بتتبعها في حياتها اليومية، واتكلمت عن أصعب وأسعد لحظات حياتها، ورؤيتها للحب والسعادة والتفاؤل، في لقائها ببرنامج "موعد مع لميس"، على موقع "مصراوي" تقديم الإعلامية لميس الحديدي.

ونفت ياسمين إن عندها روتين ثابت للعناية بالبشرة، وقالت: "معنديش روتين، أنا من الناس اللي بتغير كريماتها مفيش حاجة ثابتة خالص، برضة مابحطش فاونديشن، بي بي كريم وسي سي كريم، التاني تو سترونج عليا يتعب لي بشرتي، بريح بشرتي، بنام، النوم ده فيه أصله تجديد للخلايا وكل حاجة، بيريسيت".

ولما لميس الحديدي وقالتلها إن الجمهور ممكن يفتكر إن النوم هو سر جمالها، ردت ياسمين: "والله لو هي شايفة إني أمورة أشكرها جداً ده في عينيها الحلوة، بس هو حاجات كتير، أهلي كانوا ناس أمامير جيناتهم حلوة، الجينات جزء منه، وأنا بحافظ على نفسي".

واتكلمت ياسمين صبري عن نظامها الغذائي، ووضحت إنها بتركز على مقاسات جسمها أكتر من الوزن، وقالت: "بالمازورة بقى الأصعب، بالسنتي، وبركز أكتر.. ماباكلش مانجا، ماباكلش رز، ماباكلش كاربس خالص، على أساس إن لو أكلت رز مش هعدي من الباب".

وعن الأكل اللي بتعتمد عليه، أوضحت: "باكل أسماك أكتر، اللحمة ده قليل أوي، بطلت الدقيق، عيش بلدي الصبح بس وفاكرة إن أنا كدة أوكيه".

وكشفت ياسمين صبري إنها لاحظت تحسن في حالتها بعد ما اتبعت النظام ده، وقالت: "حاسة إن زمان من الناس اللي صوابعي تتنفخ وشي وخدودي يتنفخوا وإنتي مش مليانة كان يكون عندي إنفلاميش التهابات جوا جسمي وما كنتش واخدة بالي".

وأضافت: "الفكرة إن جهازك الهضمي ده ميكونش على طول شغال إنه قاعد بيفرم في حاجة، وبعدين العقل التاني للجسم هو المعدة.. دي فكرة الصيام أصلاً إنك تكون بطنك فاضية عشان أفكارك تكون أفضل، وتتعبدي صح، وتكون الصلة بينك وبين الله والشحن بتاعك من السما مش من الأكل".