شعرك كيرلي وعايزة تهتمي بيه صح ومش عارفة تروحي فين؟ جايين نقولك على أماكن متخصصة في الشعر الكيرلي بس، بيهتموا بكل تفصيلة وبيعرفوا طبيعة شعرك كويس، وهيساعدوكي توصلي لأحسن شكل لشعرك، سواء كان قص، ستايلنج، علاج أو حتى صبغة، كل ده هتلاقيه بالطريقة اللي تناسب شعرك علشان توصلي لأفضل نتيجة وتكوني راضية.

يالا نعرفهم: 

Curly studio

أول صالون للشعر الكيرلي في مصر، فاهمين الكيرلي كويس، وبيوفروا تجربة احترافية مش هتلاقيها في أي مكان تاني، عندهم فرعين فرع في التجمع وفرع في زايد، بيشرف عليهم خبراء الشعر رولا عامر وسارة صفوت، عملائهم من المشاهير، وبالمناسبة سارة بتقدم كورسات في القص وستايلنج الكيرلي في دول عربية زي: الكويت والسعودية. (المكان بيستقبل العملاء من الجنسين)

هتلاقوا صفحتهم هنا.

Curly spot

واحد من أعلى الصالونات تقييمًا بين المنافسين، مؤسسته، مونيكا سمير، صانعة محتوى ومتخصصة في الشعر الكيرلي، قدرت تخلي الصالون ده وجهة أساسية لأي بنت شعرها كيرلي، موجود في قلب مصر الجديدة.

تواصلوا معاهم من هنا.

Gcurls

 سواء كنتي عايزة قصة مناسبة لطبيعة شعرك أو محتاجة تعالجيه؟ عندهم الحل وبمنتجات طبيعية، المكان متاح من 11 الصبح لـ9 بالليل في بيفرلي هيلز، الشيخ زايد، ومن الأفضل حجز ميعاد مسبق نظرًا للضغط الكبير.

الجحز والاستفسار من هنا.

 

Curls by Maria

متشيلش هم الكيرليز لو مش مظبوطة، ماريا هتساعدك ترجعي شعرك لحالته الطبيعية، وكمان فريقها هيساعدوكي تختاري القصة والعلاج اللي يناسب طبيعة شعرك، وحتى لو عروسة معاها هتطلي بالكيرلي عادي.

التفاصيل هنا.

Eccentric Beauty Salon

مش بس هتعملي ستايلنج للكيرلز، كمان عندهم تقدري تصبغي شعرك وتغيري لونه، عندهم كل الحلول عشان شعرك يكون بأجمل شكل، وبالإضافة لده، بيستخدموا منتجات تحافظ على صحة شعرك وتخليه لامع وحيوي، مكانهم في المعادي وزايد والتجمع.

كلميهم من هنا.