رغم كل التحذيرات بس صعب على المصريين يعدي يوم شم النسيم من غير أكلة فسيخ أو رنجة. والأكلات دي بتحتوي على كمية كبيرة جداً من الأملاح، اللي تراكمها بيسبب مشاكل صحية كبيرة. فلو انت ضعفت قدام أكلة منهم، هنقول لك على 4 نصايح تساعدك تتخلص من الأملاح في جسمك:

1- كُل أطعمة بتحتوى على نسبة عالية من البوتاسيوم، علشان تطرد الملح الزائد من الجسم. زي الموز، الليمون، البطاطا، الأفوكادو الزبادى أو اللبن الريب.

2- اشرب المشروبات المدرة للبول زي: الكركديه وعصير البقدونس.

3- كتّر من الخضروات والفواكه الغنية بالمياه زي البطيخ، الكنتالوب، الخيار، الخس.

4- اشرب 3 لتر مياه على الأقل في اليوم. ويُفضل إضافة أوراق النعناع أو الريحان أو شرائح الليمون، لزيادة مضادات الأكسدة في المياه.