نضارة الشمس مش بس موضة جديدة وشكل حلو، ده بيكون لها مواصفات معينة علشان تحمي العين من الأشعة فوق البنفسجية الضارة. بالإضافة لضرورة إنها تكون مناسبة للوجه. ودي أهم الشروط اللي لازم تراعوها، وانتوا بتشتروا نضارة شمس جديدة:

- لازم يكون عليها علامة "UV400". لإنها بتحجب جميع أنواع الأشعة الضارة، اللي بيوصل طولها الموجي لـ 400 نانومتر.

- ضروري تكون مناسبة للوجه، بحيث وسادات الأنف والأذرع مايضغطوش على الوجه. ويُفضل تكون الوسادات من البلاستيك الطري، علشان تاخد شكل الأنف بمرونة وسهولة.

- مهم حجم العدسات يكون كبير كفاية لتغطية الحواجب، وبكده هتحمي العين من الأشعة فوق البنفسجية. وكمان تمنع دخول الضوء المزعج  من الجوانب.

- لون عدسات النضارة ممكن يتسبب في تغيير ألوان البيئة المحيطة. العدسات البني والرمادي والخضرا، هي الأقل في تغيير الألوان. أما العدسات الصفر أو البرتقالي، بتزود تباين الألوان. وبتقل حمايتها من الإبهار نسبيًا.