جمع أصحابك وقرايبك واستعدوا لحضور أكبر مهرجان للألعاب في الشرق الأوسط وإفريقيا، لمدة 3 أيام، بداية من يوم 16 لحد 18 فبراير، بمركز مصر الدولي للمعارض - EIEC قاعة 4.

السنة دي هيقدم المهرجان جوائز بقيمة 1،650،000 جنيه، من خلال 18 تجربة ترفيهية مختلفة، وعروض ملابس الشخصيات الخيالية، ولجان تحكيم، بجانب مفاجآت أكتر، هيتم الإعلان عنها قريب.

سواء كنت من عشاق ألعاب الواقع الافتراضي أو ألعاب الموبايل أو الأنشطة البدنية، هتقدر مع "إنسومنيا إيجيبت"، تلاقي لعبتك المفضلة، في أكثر مراكز الألعاب إثارة في العالم.

عارفين إنك هتحتاج تاخد بريك، بعد كل الأنشطة دي، متقلقش! هتلاقي مكان خاص للأكل، وكمان أماكن للراحة، وكمان تقدر تشتري أي شيء متعلق بالألعاب، وده بيضم العملات الرقمية جوه الألعاب والأجهزة والبرامج.

لو مش هتقدر تيجي، ومش عايز تفوت فرصة تقضية وقت ممتع، تقدر تشوف كل الأنشطة دي لايف، وهتحس كأنك هناك بالظبط.

تفاصيل أكتر؟ هتلاقيها هنا.