الجو بدأ يبرد شوية، وبقينا نحس لسعة برد خفيفة كده بالليل، والسناجل عارفين طبعًا إن ده موسم رجوع "الإكس"، أو الرد على الرسالة إياها اللي كلها عشم وبيقول فيها "إزيك؟" أيهما أقرب يعني.
وعلشان إحنا عايزين مصلحتك وميرضيناش وجع قلبك، جمعنالك بلاي ليست للفنانة شيرين عبد الوهاب ضروري تسمعها لو بتشاور عقلك ترجع ولا حاجة للعلاقات العاطفية السامة في حياتك!
1- آه ياليل
(لما تكون عارف إن حبيبك القديم بيراقبك على السوشيال ميديا، وعايز تقوله إنك تمام من غيره)
تقدروا تسمعوها من هنا.
2- بص بقى
(لما تكون عملت "موفينج أون" واحلويت وكده وتلاقيه بيدخلك من ثغراتك تاني)
تقدروا تسمعوها من هنا.
3- إيه إيه
(دي تسمعها على طول لما يتصل بيك أو يبعتلك رسالة )
تقدروا تسمعوها من هنا.
4- آه لو جاني تاني
(لما تكون مقهور أوي منه وسامع إنه عايز يرجعلك تاني)
تقدروا تسمعوها من هنا.
5- والنبي لو جاني
(لما تفتكر كل الحاجات الوحشة اللي عملها فيك مرة واحدة، شغلها وغني معاها هتفك شوية)
تقدروا تسمعوها من هنا.
