بكل أسف بننعي السيدة اللي راحت ضحية اعتداء زوجها عليها مؤخرًا، نتيجة خلافات زوجية، تسببت في إصاباتها إصابات مميتة وصلت لقطع في البلعوم وكدمات حول الرقبة، وتركها في البيت لمدة 5 أيام، دون مساعدة. علشان كده جمعنالكم طرق شكاوى ضروري تعرفها أي ست بتتعرض للعنف:

1- المجلس القومي للمرأة

- تواصلي مع مكتب شكاوى السيدات، من خلال الخط الساخن (15115)، وهيقدمولك الاستشارات القانونية والاجتماعية.

- تقدري تبعتي رسالة بالشكوى على تطبيق واتساب على رقم (01007525600)

- ممكن كمان تتواصلي مع مكتب الشكاوى من خلال رسائل صفحة المجلس القومي للمرأة الرسمية على "فيسبوك" من هنا.

2- شكاوى المرأة بوزارة الداخلية

1- خصصت وزارة الداخلية أرقام للتواصل المباشر معها، وتلقي شكاوى المرأة على الأرقام دي: (01126977444 - 01125977333 - 01126977222)

2- وتقدري تبعتي شكوتك من خلال البريد الإلكتروني لقطاع حقوق الإنسان لشكاوى جرائم العنف ضد المرأة على الإيميل ده: E.sgpartement@moi.gov.eg