معظمنا إن ماكنش كلنا بقينا بنعتمد على تطبيقات تحويل الفلوس الإلكترونية وأشهرها تطبيق "انستاباي"، ولكن وراد جدًا تبعت فلوس بالغلط لشخص غلط، في الحالة دي تتصرف إزاي علشان فلوس ترجعلك بشكل رسمي؟ كمل السطور الجاية..
وقف أي تحويلات
لو اكتشفت إنك بعت لحد غلط، بلاش تعمل أي تحويل تاني لنفس الشخص قبل ما تتأكد من البنك أو التطبيق.
كلم خدمة العملاء فورًا
تواصل مع البنك أو الدعم الخاص بالتطبيق وبلغهم بالتفاصيل: المبلغ، رقم الحساب/المستلم، ووقت التحويل.
قدم طلب رسمي لاسترجاع الفلوس
البنك بيبعت طلب للمستلم إنه يرجع المبلغ، لكن مهم تعرف إن البنك ما يقدرش يجبره قانونيًا على الإرجاع، إلا لو في إجراء قانوني بعد كده.
احتفظ بكل الأدلة
خلي معاك سكرين شوتس، إيصالات التحويل، ومحادثات الدعم، لأنها بتكون مهمة لو الموضوع اتطور.
قدم شكوى في النيابة
ممكن تقدم شكوى رسمية في النيابة بتهمة "الإثراء بلا سبب"، وهنا المحكمة بتلزمه برد الفلوس أو التعويض لو الموضوع تطور.
