رانيا يوسف قررت تنقل شغفها بالرقص الشرقي لمشروع جديد تمامًا، وفتحت ستوديو اسمه "طبلة باي رانيا- Tabla by Rania" في أبوظبي، واللي مخصص للسيدات بس.

الستوديو ده فكرت فيه على مدار سنة ونص، وهدفه مش بس تعليم الرقص، لكن كمان يبقى مساحة حلوة وآمنة للبنات والسيدات يهربوا فيها من ضغط الحياة، ويتحركوا على المزيكا ويتبسطوا ويحافظوا على لياقتهم.

رانيا مش هي اللي بتدي الكلاسات بنفسها، لكن جايبة مدربات محترفات، ومع كده مش مستبعدة تنزل ترقص معاهم من باب الفرفشة والجو الحلو.

حاليًا الكلاسات كلها للرقص الشرقي، بس ناوية بعدين تدخل أنواع تانية زي اللاتينو والأفرو دانس، خصوصًا إن بنتها نانسي بتحب الحتة دي وبتدرس في برشلونة وهتشارك كمان.

بيدرب في الاستديو جوهرة وجورجينا وغيرهم، وكمان عاملين خصومات وعروض مجانية.