بما أن عيد الأضحى على وصول، حابين نفكركم إن محافظ القاهرة حذر من ذبح الأضحية في الشارع أو الميادين العامة، وأكد إنه مخالف للقانون وغرامته المالية بتوصل لـ10 آلاف جنيه وبتتضاعف في حالة التكرار، أو بيتم إحالة الفاعل للمحاكمة وعقوبته ممكن تؤدي للسجن حسب الواقعة.
الغرامة دي هيتم تطبيقها فورًا كمان على أي شخص يتم ضبطه ببعرض أو ويبيع الأضاحي بالطرق العامة أو بيذبح خارج المجازر المعتمدة، لإنه بيسبب تلوث البيئة والإضرار بالمظهر الحضاري والجمالي، والتعدي على الممتلكات العامة، اللي هي الشاع.
في الوقت نفسه، الإدارة العامة للمجازر والصحة العامة، قالت إن الذبح هيكون متوفر طول أيام العيد داخل المجازر المرخصة مجاناً للجمهور، بجانب تواجد غرفة عمليات في كل حي لتلقي بلاغات المواطنين بوجود أي مشكلات لحلها على الفور على الأرقام الخاصة بمديرية الطب البيطري ٢٧٤٢٦٩٩٣، ٢٧٤٢٧٠٥٣، بالإضافة إلى رقم الهيئة العامة للخدمات البيطرية ١٩٥٦١ .
الناس بتدبح في الشارع بعد صلاة العيد مباشرة، باعتباره سنة محببة، لكن دار الإفتاء المصرية أنكرت الكلام ده، وقالت أن إلقاء مخلفات الأضاحي في الطرق أمر مكروه، علشان فيها إيذاء كبير للناس.
