هو العيد يبقى عيد من غير العيدية! صحيح إن العيدية الكاش اللي بتوصل من الإيد للإيد ليها طعم خاص، لكن لو الظروف ما كانتش سامحة نقدر نبعتها بطرق ثانية كتير، وهتفرح حبايبنا برضه.
التطبيق البنكي
معظم البنوك تقريبًا بتوفر لعملائها أو لغير العملاء كمان ميزة المحفظة الإلكترونية البنكية، تقدر من خلالها ترسل أو تستقبل أموال من موبايلك لأي موبايل وأنت في مكانك أيًا كان بنك شخص المرسل له.
فوري
غير إنه التطبيق الأول والاختيار الأول لتحويل واستقبال فلوس في مصر، وطرق استخدامه سهلة، كمان بيقدم بطاقة هدايا لكل مناسبة، من خلال تطبيق “ماي فوري”.
المرسل بيختار لون البطاقة وثمنها وكتابة وبتكتب رسالتك عليها، وهيقوم بإرسالها للطرف الثاني على واتساب أو الرسائل القصيرة، يقدر كمان المستلم يسترد قيمة الفلوس من علامات تجارية معينة، في مجالات الأغذية والمشروبات، والأثاث، ومنتجات الصحة والجمال، وحاجات أكتر.
ارسل واستقبل كاش من محفظة موبايلك
حول أو استقبل فلوس بأسرع طريقة ممكنة، من خلال خط تليفونك، كل اللي عليك تدخل على تطبيق الخط أو الموقع الإلكتروني للخط واختار "المحفظة"، الميزة كمان إنك تقدر تحول من محفظة لمحفظة أي خط أو لـ حساب بنكي.
تطبيق انستا باي
شبح المعاملات المالية، هتقدر تحول فلوس سواء لمحفظة إلكترونية أو لحساب بنكي، حتى لو كنت بره مصر، التطبيق مدعوم بشكل كامل من البنك المركزي المصري، ولا يملك حق الوصول إلى أي بيانات سرية. تحميل التطبيق من هنا
