كشف الفنان كريم عبد العزيز عن انتمائه الكروي، وقال إنه بيشجع النادي الأهلي، ووجه رسالة تهنئة للنجم محمد صلاح بعد ما حصل على 3 ألقاب جديدة الموسم ده.

وأضاف كريم في مداخلة هاتفية ببرنامج "مساء الإمارات" مع الإعلامي عبدالعزيز أحمد، وقال:
"أنا أهلاوي، ومبفوتش ماتش لليفربول عشان صلاح، ده فخر العرب، أسطورة مصرية وعربية، وليه كل التقدير".

بيعرض في السينمات حاليًا فيلم "المشروع X"، أحدث أفلام أعمال كريم عبد العزيز في السينما، يعتبر من أضخم الإنتاجات في تاريخ السينما المصرية والعربية.


الفيلم اتصور في خمس دول: مصر، الفاتيكان، إيطاليا، تركيا، والسلفادور، واستخدموا فيه أحدث تقنيات العرض في العالم زي IMAX و4DX وDolby Atmos وScreenX، علشان يقدموا تجربة بصرية وصوتية غير مسبوقة للجمهور العربي.

أحداث الفيلم بتدور حوالين شخصية "يوسف الجمال"، عالم المصريات اللي بيجسده كريم عبد العزيز، واللي بيبدأ رحلة مثيرة من قلب القاهرة لحد الفاتيكان وأعماق المحيطات، في محاولة يجاوب بيها على سؤال تاريخي غامض.