عارف لما تمر بموقف صعب أو يجيلك إحساس مش عارف توصفه أو تعبر عنه بكلام، وفجأة تعدي قدامك حكمة كده أو مقولة متفصلة على حكايتك بالمللي، وتلاقيها نورت حاجة في دماغك لخصت كلام من هنا لبكرة، ده موضوعنا معاكوا النهارده، واللي حبينا نقول لكم من خلاله على 3 أشخاص على إنستجرام، هتسمعوا منهم خلاصة الحكاية.

يالا نتعرف عليهم:

مازن ياسين

 بيقدم فيديوهات يومية تنعشك وتصحصحك، تحت عنوان "نصيحة اليوم" وفي أقل من دقيقة، هتاخد نصيحة خفيفة، عن نفسك وعن اللي حواليك، وهتزقك كمان ناحية تحقيق أهدافك، وممكن تغير يومك، ومش بعيد تغير خطتك وكمان أفكارك للأحسن.

تقدروا تتابعوه من هنا.

مؤمن بدر

بصوت هادي مليان أمان كده وأمل، مع موسيقى رايقة، هيقولك حكمة باللغة الإنجليزية والعربية، بعنوان وتاريخ معين، هتهون عليك الطريق، وتديلك ثقة في نفسك وتغير نظرتك في الحياة.

تقدروا تتابعوه من هنا.

حواديت نسمة

"ستي قالتلي..." واسمع بقى يا معلم أجمل أمثال شعبية قالوها أجدادنا زمان، صحيح اتقالت في زمان ومكان بعيد، لكن لو فكرت فيها هتلاقيها تنفع أوي اليومين دول، ستايل نسمة مميز تحسها جايلنا فعلًا من زمن تاني كله أصالة وفخامة فلكلور كده.

تقدروا تتابعوها من هنا