مصيف جمصة عاش أجواء مختلفة تمامًا، مع انطلاق أول نسخة من مهرجان جمصة الصيفي 2025 في منطقة 15 مايو، واللي انطلق يوم الاثنين 11 أغسطس، واستمر لمدة ثلاثة أيام لحد 13 أغسطس.

حفل الافتتاح كان بحضور اللواء طارق مرزوق محافظ الدقهلية، ومعاه حفلة للنجم أحمد جمال اللي ولع الأجواء بأغانيه.

بعدها فرقة "فلكولوريا" خطفت الأنظار بعروض فلكلورية دمجت بين التراث والستايل العصري، والختام كان مع الصوت الدافئ نوران أبو طالب، وكمان اتكرم عدد من الشخصيات المهمة والفنانين.

المهرجان هدفه إظهار جمصة على خريطة السياحة، وتشحيع الاستثمار هناك، والمفاجأة إن المحافظ أعلن إنه هيبقى سنة ورا سنة في يوليو وأغسطس.

الصيف ده جمصة مش بس مهرجان، دي كمان افتحت 5 منتجعات جديدة فيها حمامات سباحة، أكوا بارك، كيدز إيريا، حديقة حيوانات صغيرة، وميدان لتدريب الخيل العربي، بأسعار تبدأ من 75 جنيه.

الشواطئ كمان ممتدة 8 كم ومعاها أبراج مراقبة ومنقذين، وفيه ممشى جديد ونقط إسعاف ثابتة.

ومن 1 أغسطس لحد أول سبتمبر، الحفلات الليلية المجانية ما بتقفش: فرق فنية، عروض استعراضية، والسيرك القومي بأسعار تبدأ من 30 جنيه.

باختصار… جمصة السنة دي غير!