عالم الميكب بحر مالوش آخر، كل يوم والتاني بتظهر موضة جديدة بتغير الستايل اللي كنا ماشيين عليه، لكن خبير التجميل الشاطر هو اللي يعرف مين يليق عليها إيه ومين ممكن تبان مش طبيعية، فا لو عندك مناسبة ومحتارة تروحي لمين؟ هنرشحلك 5 من أهم الميكب أرتست الموجودين دلوقتي على الساحة.
دينا راغب
نقدر نقول إنها المكيب أرتست المفضلة لكتير من النجمات، بتشاركهم في فعاليات كتير سواء كان ريد كاربت أو حتى مناسبة خاصة.
تقدروا تشوفوا شغلها من هنا.
شريف طانيوس
مش هتندمي لو كان اختيارك شريف طانيوس في أي مناسبة عندك، عنده تاتش مميز بيقدر من خلاله يبرز جمال أي وجه بيشتعل معاه، وحرفيًا هتحسي إنك أول مرة تحطي ميكب.
تقدروا تشوفوا شغله من هنا.
محمد الصغير
اسم له تاريخ في عالم المكياج والشعر، بدأه خبير التجميل الراحل محمد الصغير، وكمل من بعده المساعدين بتوعه، له فروع جوه مصر وفي عدد من الدول العربية.
تقدروا تشوفوا شغله من هنا.
آية عبد الحميد
تقريًبا كده كل فنانات مصر لمس ملامحهم فرشاة آية، أدائها محترف وطبيعي، ومن وقت للتاني بتعمل فقرات نصائح عن طرق وضع الميكب.
تقدروا تشوفوا شغلها من هنا.
دانا خضر
من المكيب ارتست اللي تسيبلهم وشك وأنت مطمنة، ألوانها رايقة وشيك وفي نفس الوقت مع تاتش بيخطف العين.
تقدروا تشوفوا شغلها من .هنا.
