ناس كتير بتحب تشارك اللي حواليها خطواتها الجاية، سواء كان مشروع، سفرية، ولا حتى اشتراك جيم، ولكن مؤخرًا أجمع عدد من المتخصصين النفسيين على إن السلوك ده، ممكن جدًا يجيب نتائج عكسية أصلًا!

وحسب ما نشره موقع "VegOut"، هو إن الأبحاث بتقول أن الأشخاص اللي بيعلنوا عن نواياهم أقل التزاماً بتنفيذها، مش العكس، لإن الدماغ بيعمل خدعة معينة، وهي إنه بيسجل إنك قولت خطتك الجاية للي حواليك كنوع من الفعل، وده بيقلل الدافع الحقيقي لاتخاذ الاجراءات.

والتفسير العلمي لده، إنه لما شخص بيشارك الآخرين طموحاته أو أهدافه، بالذات بشكل متكرر، بيشعر بنوع من الرضا، بعد إعجاب اللي حواليه بطموحه، وهنا بقى اللعبة! الدماغ بيفسر الشعور ده على أنه إنجاز حقيقي حصل وجزء من الهدف  اتحقق.

في نفس الوقت، الدراسات بتأكد إن التواصل مع الآخرين عن طموحتنا وأهدافنا مطلوب ومهم، لكن السر في إننا نكون واعيين بشوية أسئلة: بنشارك مين؟ وإمتى؟