في لحظات الإحباط أو لما الحاجة متطلعش زي ما إحنا عايزين، بنلاقي نفسنا بنوجّه اللوم لشات جي بي تي، مع إننا عارفين إنه مجرد أداة بتحاول تساعدنا، بس ساعات توقعاتنا بتكون أكبر منه، ولما مبيحققهاش، بيبقى الرد الطبيعي هو الغضب أو الشتم. وعلشان ده حاصل وبيحصل وهيحصل، قولنا ندردش معاكوا في الأسباب…

1- لو المعلومة طلعت غلط: وده بيضايق، خصوصًا لو حد معتمد عليه في شغل أو حاجة مهمة أو مستعجل.

2- لو الرد مش عاجبك أو مش زي ما توقعت: ساعات الناس بتكون عايزة إجابة معينة، ولو مش لاقيينها بيتضايقوا.

3- لأنه مش بشري: يعني ضعيف، ومهما تقوله مش هياخد رد فعل قوي. بالعكس، هينفذ طلباتك الجاية كأن مفيش حاجة حصلت.

4- توقعاتنا عالية جدًا منه: الناس شايفة إن شات جي بي تي لازم يكون عارف كل حاجة، ولما بيغلط بيتصدموا.

5- فيه ناس طبعها كده: بعض الناس بتستخدم الشتيمة بسرعة ومن غير تفكير، وده مالوش علاقة بـ جي بي تي.

نهدى عليه شوية ده إحنا مالناش غيره.