أعلنت وزارة الزراعة عن بدء التشغيل التجريبي لـ معرض زهور الربيع بالمتحف الزراعي، بداية من يوم الأحد الجاي، قبل الافتتاح الرسمي، في إطار الاستعدادات لاحتفالات شم النسيم.

الافتتاح الاستثنائي ده هيكون فرصة للناس علشان تزور المعرض بدري، وتحتفتل بشم النسيم وأعياد الربيع، وكمان تشتري زهور ومنتجات مختلفة بتكون معروضة.

ومن المقرر افتتاح المعرض بشكل رسمي الخميس 16 أبريل، واللي هيكون فيه فعاليات وعروض مختلفة، مع مشاركة أكبر من العارضين.

هيستمر معرض الزهور لمدة شهر كامل، وده بيدي فرصة لعدد كبير من الزوار إنهم يلحقوا يروحوه ويستمتعوا بالتجربة.

المعرض بيعتبر واحد من أهم الفعاليات السنوية في مصر، وبيضم أنواع مميزة ونادرة من الزهور والنباتات، وكمان متاحة للبيع، فبيجمع بين الفسحة والتسوق في نفس الوقت.

المتحف الزراعي بيفتح أبوابه للجمهور من الساعة 9:00 صباحًا لحد الساعة 3:00 العصر، وسعر تذكرة الدخول: 20 جنيه، والأطفال أقل من 10 سنين بيدخلوا مجانًا.