كل واحد مننا بيكون ليه طقوسه اللي بيعملها بعد الفطار في رمضان، فيه اللي بيتفرج على التليفزيون واللي بينزل الجيم، وفيه كمان صاحبنا اللي بيروح في سابع نومة ومابيقومش منها غير على السحور، الحقيقة إن كتير من عاداتنا بعد الفطار بيكون ليها تأثير ضار على صحتنا وإحنا مش واخدين بالنا.

تعالوا نتعرف عليها علشان نتجنبها:

أكيد غسيل الأسنان مهم جدًا خاصة في رمضان، لكن غسل الأسنان بعد الأكل على طول بيتسبب في تغطية أسنانك بجزيئات الأطعمة شديدة الحموضة، وبدل ما تحمي أسنانك بالفلورايد، بتأذي مينا الأسنان، استنى 30 دقيقة بعد الأكل.

معظم المدخنين بيكسروا صيامهم بـ سيجارة، الأمر اللي بيضاعف أضرار التدخين 10 مرات، كمان بيزود خطر الإصابة بالسرطان وتلف الكليتين، فلو كنت مدخن ضروري تفطر الأول وتستنى على الأقل نص ساعة قبل ما تشرب أول سيجارة، لكن طبعًا الأفضل تبطل تدخين خالص.

صحيح الصيام مفيد لجسمنا، وفرصة عظيمة لتظبيط الوزن لو استغليناه صح، بس لعب الرياضة بعد الأكل على طول خاصة الوجبات الدسمة مش أحسن حاجة، يستحسن الانتظار 45 دقيقة أو أكتر قبل التمرين.

أجسامنا بتحتاج وقت معين علشان تهضم الأكل، والاستحمام بعد الأكل بوقت قليل، بيفقد الجسم كتير من الطاقة اللي محتاجها.

من أكتر الحاجات اللي بنكون مفتقدينها وقت الصيام، وبينصح خبراء الصحة إننا نستنى ساعة بعد الفطار وبعدها نشرب الشاي والقهوة وبرضه منكترش منهم.

ناس كتير بتحس بالخمول والنعاس بعد الفطار، ودي عادة مش صحية خالص، لإنها بتأثر على الهضم بشكل كبير، وبتسبب مشاكل كتير منها الحموضة.