بعد فترة طويلة من الاختفاء والابتعاد عن السوشيال ميديا، رجعت الفنانة مي عز الدين مرة تانية للتواصل مع جمهورها بشكل مباشر، من خلال فيديو نشرته على تطبيق تيك توك.

وبدأت مي عز الدين في بداية الفيديو بالترحيب بمتابعيها، ووضحت إنها كانت مختفية الفترة الأخيرة، علشان كان عندها مشكله في عينيها وكانت بتعالجها.

وردت مي على سؤال روتين العناية ببشرتها، وقالت إنها مش بتستخدم أي كريمات لإنها بتضر البشرة، وبتحاول تقلل الميكب، وبتفضل تغسل ووجها بصابونة مخصوصة للبشرة، مع وضع زيوت طبيعية زي زيت حبة البركة، وبجانب ده بتمسح وجهها بمياه الورد، وده كل 3 أيام مش يوميًا.

وكانت أعلنت مي عز الدين إنها كل فترة هتكون موجوده على تيك توك، وهترد على الأسئلة اللي بتجيلها.