رغم إن الجمال بقى له مقاييس جديدة، إلا إن في نجمات اختاروا طريق تاني، وقرروا يبعدوا عن عيادات التجميل، علشان يظهروا بصورة مثالية، وكل واحدة فيهم كان ليها سبب وقناعة خاصة، لكن اللي بيجمعهم إنهم فضلوا يبانوا بطبيعتهم، حتى لو العمر بان عليهم.

هند صبري

قالت إنها لم تخضع لأي عملية تجميل، وإنها بتحاول تتقبل خطوط الزمن على وجهها، مع إن أسنانها الكبيرة كانت سبب في تعليقات الناس السلبية عليها، ومع ذلك رفضت تدخل تجميلي لتغيير شكلها.

ريهام عبد الغفور

أكدت إنها لم تخضع لعمليات تجميل، وإنها جربت البوتوكس مرتين أو ثلاث مرات، لكنها توقفت لأنها مكنتش مرتاحة، خاصة إنها وصفت تصف نفسها بأنها "جبانة جدًا" من أي تدخل طبي (ز زي الحقن والجراحات) عشان الخوف والتأثير اللي ممكن يحصل على ملامحها وقدرتها على التعبير كممثلة.

سهر الصايغ

قالت إنها بترفض استخدام الفينيرز لمجرد التجميل، وإنها مقتنعة بشكل أسنانها الطبيعي حتى بالعيوب اللي فيه.

هنا شيحة

قالت: “أنا بخاف على نفسي جداً عندي خوف، وأنا ممثلة مينفعش أضحك ووشي ميظهرش عليه علامات الضحك، في حاجات مينفعش الممثل يعملها.”

سوسن بدر

قالت: "شعري الأبيض قناعة مش جرأة، بيعبر عن سني دلوقتي، وماعنديش فلسفة كبيرة غير إني حابة أبان زي ما أنا".

نرمين الفقي

قالت نرمين إنها ما عملتش عمليات تجميل، وإن سر جمالها إن قلبها نضيف، ووضحت أنها ممثلة، مش عارضة أزياء، وإنه مهم جدًا إنها تقدر تستخدم ملامح وشها وتعابيرها، وعمليات التجميل لو أثرت على ده هتكون مشكلة.