ناس كتير بتفضل تأجر شقق أو شاليهات في الصيف، وأيًا كان اختيارك، نشرت صفحة الدكتور الراحل هاني الناظر- استشاري الأمراض الجلدية، شوية نصائح هتجنبك أي أمراض معدية من أي شخص كان قبلك في المكان.
يالا نعرفها:
1- حاول تجيب معاك ملايات وأغطية مخدات، ولو مش معاك، أول حاجة تعملها لما توصل تفك اللي موجودين وتغسلهم في درجة حرارة عالية وتنشرهم في الشمس.
2- قواعد الحمامات لازم تتنظف كويس جدًا بمطهر ضد البكتيريا، قبل الاستخدام.
3- لو المكان فيه تكييف نظف فلتر التكييف الداخلي (هتاخد منك دقيقتين).
4- حاول لما توصل تتأكد إن المكان يتنظف كويس، باستخدام مكنسة كهربائية، لتفادي الأتربة أو أي شعر واقع.
5- لما تفتح الحنفية أول مرة، سيب المياة تنزل شوية قبل ما تبدأ تستعملها عشان لو المياه واقفة بقالها كتير في المواسير.
وكل صيف وانتم طيبين