بتقضي وقتك في الرحلة كله قلق! مش عارفه تاخدي راحتك وتظبطي الميكب أو لبسك وإنتي رايحة مشاورك! أخيرًا كل التفاصيل دي احتمال كبير تنتهي، بعد ظهور تطبيق "وصليني" اللي بيعتمد بشكل أساسي على الستات كـ كابتن أو حتى ركاب.
إيه حكاية تطبيق وصليني؟
وصليني (Wasaleeny) أبلكيشن مصري لطلب العربيات، كل السائقين فيه كابتن ستات، والركاب لازم يبقوا ستات أو أطفال أقل من 15 سنة؛ الراجل ما يركبش لوحده، ولا يسوق العربية حتى لو صاحبها، إلا لو معاه أسرته.
ليه اتعمل؟
القصة بدأت كجروب واتساب في التجمع الخامس عشان البنات تحس بأمان أكتر بعد شكاوى التحرش في خدمات تانية. في 2024 الجروب بقى أبلكيشن رسمي، ودلوقتي شغال في أكتر من 60 منطقة بالقاهرة مع 800 عربية و120 ألف مستخدم، ولسه بيتوسع .
إيه المميز فيه؟
-إلحقووني
هتلاقي في التطبيق، زرار استغاثة جوه الرحلة، لما تدوسي عليه مرتين، بيبعت فوراً لوكيشن، لايف ڤيديو وصوت لرقم طوارئ إنتِ محدداه، وبيسحب فيديو كل دقيقتين لحد ما الخطر يعدي .
-مش لازم إنترنت
تقدري تطلبي العربية حتى لو رصيد الإنترنت خلص ، لإنه مبيع
-فلتر الركاب/السواقين
ستات بس، والركاب ستات أو أطفال، يعني أمان نفسي أكبر .
-بيشغل السيدات
بيوفر دخل إضافي لأي واحدة معاها عربية وعايزة تشتغل فترات مرنة.
أحمّله منين؟
لهواتف أندرويد: من هنا
لهواتف آيفون: من هنا
بتسجلي رقم تليفونك وبطاقة الرقم القومي، وبختاري نقطة البداية والوجهة (أو اتصلي من غير نت وهيحدد موقعك تلقائي)، الأبلكيشن بيختار أقرب كابتن ست.
من الآخر…
لو بتدوري على مواصلة وخصوصية وأمان لبنتك أو ليكي، وصليني حل عملي ومنتشر بسرعة في القاهرة والقليوبية والإسكندرية، ممكن نشوفه قريب في باقي المحافظات.
