الفترة دي بتاعة سفر، إجازات، عيد ومصيف. وعلشان نسهل عليك سفريتك، دي 8 نصائح تقدر من خلالهم تحضر شنطة سفرك بسهولة جدًا، من غير كركبة. ولا إنك تاخد حاجات زيادة أو تنسى حاجة.
1- حدد احتياجاتك قبل السفر بيوم أو اتنين على الأقل، واكتبهم في ورقة أفضل.
2- خلي بالك من أول حاجة تحطها في الشنطة (تذكرة السفر – البطاقة أو الباسبور – الفلوس – برنامجك في السفر – أرقام الطوارئ).
3- أوعى تنسى الأساسيات: فرشاة الأسنان – فوطة – قصافة أظافر – مزيلات العرق والبرفان. وأي حاجة تخص الاستخدام الشخصي.
4- تقدر تستغنى عن: الملابس الكتير - الإكسسوارت - مش محتاج أكتر من حذاء للرحلات القصيرة. حاول تخفف محتويات الشنطة على قد ما تقدر.
5- لو طبقت الهدوم بشكل مميز، ولفيتهم زي الاسطوانة، هتوفر في مساحة الشنطة.
6- استغل الفراغات اللي في الشنطة وشيل فيها الحاجات الصغيرة.
7- لو معاك عبوات أو زجاجات فيها سوائل، حط كيس على عنق الزجاجة قبل ما تقفلها، علشان تحكمها وماتسربش.
8- أحسب احتياجاتك وأغراضك بناءًا على عدد أيام الرحلة. علشان ماتخدش حاجات زيادة أو ناقصة.