مع ارتفاع درجات الحرارة، ناس كتير أول ما تليفونها بيسخن بتحطه في التلاجة أو الفريزر على أمل يبرد بسرعة، لكن خبراء التكنولوجيا بيأكدوا إن الحركة دي ممكن تضر الجهاز أكتر ما تنفعه.

وبحسب خبراء صيانة الهواتف، موجات الحر الأخيرة زودت عدد الأجهزة اللي وصلت مراكز الصيانة بسبب مشاكل مرتبطة بالسخونة، لكن التبريد المفاجئ جوه التلاجة مش هو الحل، لأنه ممكن يسبب تكثف رطوبة داخل الهاتف، وده يعرض المكونات الداخلية للتلف أو حتى يسبب مشاكل في البطارية.

شركتا آبل وسامسونج بينصحوا المستخدمين يسيبوا الهاتف يبرد بشكل طبيعي، من خلال إبعاده عن الشمس، وفصل الشاحن، وقفل التطبيقات الثقيلة، وإزالة الجراب لو كان بيحتفظ بالحرارة، تركه في مكان ضل وجيد التهوية لحد ما درجة حرارته ترجع لطبيعتها.

ولو حسيت إن الموبايل سخن بشكل غير طبيعي، حاول تقلل سطوع الشاشة، ومتستخدمهوش خلال الشحن، ومتضغطش عليه بالألعاب أو تصوير الفيديو لفترات طويلة، لأن الهواتف الحديثة فيها أنظمة حماية بتقلل الأداء مؤقتًا علشان تحافظ على المكونات الداخلية من أي ضرر.