مع ارتفاع درجات الحرارة في الصيف، ناس كتير بتفتكر إن الحل هو تعلية مؤشر التبريد لأقصى درجة، لكن الخبراء بيأكدوا إن الأفضل هو ضبط الثلاجة على درجة حرارة داخلية لا تزيد عن 4 درجات مئوية، بينما الأداء المثالي بيكون عند حوالي 3 درجات مئوية، الدرجة دي بتحافظ على الأكل طازج، وبتقلل نمو البكتيريا، وفي نفس الوقت تساعد الثلاجة تشتغل بكفاءة من غير استهلاك كهرباء زيادة.

ولو ثلاجتك مش ديجيتال وبتعتمد على أرقام أو مؤشر، متعتمدش على الرقم المكتوب بس، لأن كل شركة بيكون ليها نظام مختلف. أما لو ديجيتال اضبط شاشة الثلاجة على 3°C، لأنها بتحافظ على الأكل طازج وآمن، حتى مع ارتفاع درجات الحرارة في الصيف.

وفي حالة حسيتِ إن التبريد ضعيف بسبب الحر الشديد أو كثرة فتح الباب، ممكن تتأكد إن الحرارة الفعلية ما زالت أقل من 4°C، لكن مفيش داعي لتقليلها لأقل من 3 درجات في الاستخدام العادي.

كمان ينصح الخبراء بمراجعة درجة حرارة الثلاجة بشكل دوري، خصوصًا في الصيف، من خلال مقياس حرارة مخصص للثلاجات للتأكد من أن درجة الحرارة لأن حرارة الجو العالية ممكن تأثر على كفاءة التبريد.

ومهم تعرف أن لو الثلاجة موجودة في مكان حر أو غير مكيف، زي البلكونة أو الجراج، فده بيخليها تبذل مجهود أكبر للحفاظ على البرودة، وبالتالي متابعة المؤشر ودرجة الحرارة الفعلية بتبقى خطوة مهمة للحفاظ على الأكل وتقليل استهلاك الكهرباء.