لو عندك كلب وبتدورله على صاحب جديد يلعب معاه، أو حتى شريك مناسب للتزاوج، تطبيق Shoflak Klba"معمول عشان يسهل عليك الموضوع بدل ما تفضل تدور في جروبات وصفحات كتير.

فكرة التطبيق ببساطة إنك بتعمل بروفايل لكلبك وتحط بياناته وصوره، وبعدها تحدد موقعك، والتطبيق يساعدك تكتشف كلاب قريبة منك ممكن تكون مناسبة حسب السلالة والعمر والموقع.

أول ما تعمل بروفايل لحيوانك الأليف، هتقدر تشوف البروفايلات الموجودة حواليك، وتستخدم البحث والفلاتر عشان توصل للكلاب الأقرب لاحتياجاتك.

لقيت بروفايل مناسب؟ تقدر تضيفه للمفضلات عشان ترجعله بسهولة بعدين، وكمان تقدر تتواصل مع صاحبه مباشرة من خلال شات جوه التطبيق، من غير ما تضطر تشارك رقم تليفونك الشخصي.

والتطبيق مش مخصص للتزاوج بس؛ هو كمان بيساعد أصحاب الحيوانات إنهم يلاقوا مواعيد خروجاتلكلابهم، يعني ممكن ببساطة تلاقي لكلبك صاحب جديد يلعب معاه.

كمان مش مخصص للكلاب بس، لكنه بيضم القطط والطيور والخيول وبعض الحيوانات المنزلية، وبيساعد أصحاب الحيوانات في العثور على حيوانات تانية قريبة ومناسبة لحيواناتهم، سواء بهدف الخروجات واللعب أو التعارف أو التزاوج.

ومن الحاجات اللافتة كمان إن التطبيق بيدعم العربي والإنجليزي، بالإضافة لأدوات للخصوصية والأمان زي إمكانية حظر المستخدمين والإبلاغ عن أي بروفايل أو رسالة غير مناسبة.

التطبيق متاح لمستخدمي آيفون وأندرويد، وتقدر تحمله من App Store أو Google Play. والمطور هو يوسف ضياء.