محمد رمضان كان ضيف الإعلامي عمرو أديب، ببرنامجه "الحكاية" على قناة إم بي سي مصر، وخلال الحلقة مخرج فيلم "أسد" محمد دياب قال: "أنا كنت مرعوب من التحدي، الناس هتقول رايح تشتغل مع مين؟ محمد رمضان!".

وهنا محمد رمضان بصله بنظرة أو تبريقة كلها استغراب وتعجب، لكن المخرج وضح بعدها إن محمد رمضان جوهرة ولسه عنده كتير، وكان يقصد إن جمهور أفلام مختلف شوية عن جمهور أعمال محمد رمضان.

طبعًا جمهور السوشيال ميديا اتفاجئ بنظرة محمد رمضان وقالوا إنها أقوى من مليون رد، وقالوا إنهم هيعتمدوها الفترة الجاية.