الترمس من أشهر الأطعمة اللي بتكون موجودة على سفرة عيد الفطر، واللي يعتبر "سناك" كده بين الوجبات، وتسلية في نفس الوقت. فتعالوا نقول لكم على فوائد تناول الترمس حسب كلام خبراء التغذية.
1-مصدر مهم للطاقة، لإنه بيحتوي على الكربوهيدرات، اللي بتساعد على الشعور بالحيوية والنشاط، وبالتالي بيقاوم الإحساس بالتعب والنعاس.
2-نوع البروتين الموجود في الترمس، بيساهم في تقوية المناعة وبناء الكتلة العضلية في الجسم، كمان بيساعد على التئام الجروح.
3- بيحارب الأنيميا، وده بسبب غناه بمعدن الحديد، الأمر اللي بيساعد على إنتاج هيموجلوبين الدم.
4-بيعالج الإمساك، بيتكون من نسب عالية من الألياف، واللي بتحسن عمل الجهاز الهضمي، وبتخلي حركة الأمعاء أسهل.
5-بيقوي العظام. الترمس غني بالكالسيوم والفسفور، ودي عناصر مهمة جدًا علشان تخلي عظام الجسم والأسنان قوية وصحية.
استمتعوا بالترمس يا جماعة!
