طقوس تحضير "فنجان السعادة" ليها خصوصيتها، بداية من تسويتها على شعلة السبرتايه لحد أحدث ماكينة صنع القهوة، مراحل بتهيئ مزاجك لاستقبال مشروب السعادة.

شاريبة القهوة عارفين كويس جدًا إن فنجان القهوة "المظبوط" ما بيتضافش عليه ولا نقطة سكر، طيب تعرف عزيزي القارئ إن ذوقك في شرب القهوة سواء بسكر أو سادة بيحدد نوع شخصيتك! ده كلام علمي أكده باحثين من جامعة "إنسبروك" النمساوية.

بعد تحليل شخصية 500 شخص، علماء النفس اكتشفوا إن الأشخاص اللي بيفضلوا القهوة المُرة السادة، بيميلوا أكتر للعدوانية والنرجسية وبيصدروا أحكام سريعة على الناس، أما اللي بيحبوها حلوة فا دول اجتماعيين وأقل عدائية مع غيرهم.

ورغم كده بينصح خبراء التغذية بعدم المبالغة في كمية السكر اللي بنحطها على القهوة وأي مشروب تاني.