طول الوقت خبراء الصحة والتغذية بينصحونا بالابتعاد عن شرب المشروبات الغازية، أو على الأقل عدم الإفراط فيها، لاحتوائها على نسب عالية من السكر، بتزود خطر الإصابة بأمراض السمنة وغيرها، مش بس كده، أكدوا إن أضرارها بتكون مضاعفة إذا شربناها مع أطعمة محددة، حسب المراكز الأمريكية لمراقبة الأمراض والوقاية منها.

وهي:

الأكل السبايسي 

عادة مش صحية خالص، إنك تحاول تتغلب على تأثير الطعم الحراق، بشرب مشروب الغازي، لأنه بيتحول لحمض سلفوري بحرارة عالية، يعني هيخليك تحس بحرقة أكتر في فمك، ويفضل استبدالها بالمياه.

القهوة

فكرة شرب مشربات غازية مع الوجبات، وبعد الانتهاء على طول تشرب فنجان قهوة، بتسبب مشاكل صحية كتير، زي، الأرق، اضطرابات النوم، وممكن كمان توصل للكوابيس.

اللبن

لو أكلت كيك أو معجنات وأطعمة داخل ضمن مكوناتها لبن، وشربت معاها مشروب غازي، معدتك هيحصلها نوع من الاضطرابات بشكل كبير، وبتؤدي أحيانًا لعسر الهضم، واضرابات في الأحماض الموجودة في المعدة، المسؤلة عن هضم الأكل بشكل جيد.