نشرت نهال سلامة، إخصائية طب الأطفال وحديثي الولادة، "بوست" على فيسبوك، بتحذر فيه الأهالي من بعض الأطعمة اللي بيحضروها لأولادهم خلال اليوم الدراسي.

وقالت: "بلاش فينو لإنه من الدقيق الأبيض، وبالتالي بيكون سريع الهضم، وبالبلدي كده بيجوع الطفل بسرعة".

ووضحت إن العيش البلدي هو البديل الصحي، أو "التوست البني" المصنوع بالحبة الكاملة، وفي نفس الوقت، أكدت إن الفينو الأسمر بالردة، بيكون صحي أكتر ومشبع كمان.

كمان حذرت من العصائر الجاهزة المعلبة، والبديل عنها بيكون عصائر طبيعية معمولة في البيت أو كوب زبادي أو قطعه كيك مخبوزة في البيت وفاكهة.