المولد النبوي خلاص قرب، وكتير من الناس بدأوا يشتروا حلويات المولد، كعادة كل سنة، وبالمناسبة دي حدد جهاز حماية المستهلك شوية نصائح ضروري ناخد بالنا منها قبل ما نشترى الحلويات.
تعالوا نعرفها:
- ماتشتريش الحلويات المكشوفة والمعرضة للأتربة والجراثيم.
- اتأكد من سلامة الغلاف الخارجي للحلوى، ومن ووجود تاريخ الإنتاج ومدة الصلاحية.
- اسم الشركة المصنعة على الغلاف بيفرق في جودتها وسلامته، ويفضل تشتريها من محلات وأماكن معروفة.
- حلاوة المولد المخزنة في أماكن صحية جيدة التهوية بعيدًا عن الحرارة والرطوبة والحشرات، هي الأفضل.
- بعد مرحلة الشراء، يستحسن تخزنها في الثلاجة علشان تحافظ على فترة صلاحيتها مدة أكبر.
وكل سنة وأنتم طيبين.
