الموز فاكهة لذيذة مطيعة كده ومش مبهدلنا وراها، صيف موجودة شتاء موجودة. كمان ممكن تاخدها معاك وانت نازل وتاكلها في أي مكان. علشان كده ناس كتير بتستسهل وتفوت وجبة الفطار، وبيكتفوا بموزة عشان يزقوا اليوم.

خبير التغذية الأمريكي "داريل جوفري"، حذر من العادة دي. وأكد حسب موقع "سكاي نيوز" أن أكل الموز الصبح مش أحسن حاجة، خصوصا أن متكون من السكر بنسبة 25%.

وأكد كمان أن الموز بيدي دفعة طاقة للجسم في الأول، لكن بعد وقت قليل هتحس بالجوع والخمول.

ونصح بتناول الموز مع وجبة غذائية كاملة، علشان الموز فيه مواد حمضية ولازم يتاكل معاه عناصر تانية. علشان الجسم يستفاد به مش سكر بس.