فنجان القهوة على الريق الصبح، حاجة أساسية بالنسبة لناس كتير، لازم يبدأوا به يومهم، على أساس إن جرعة الكافيين هتفوقهم وتظبط مزاجهم، لكن خبراء التغذية أكدوا إن العادة دي من أخطر العادات المنتشرة اللي بتضر صحتنا.
شرب القهوة أو النسكافية مباشرة بعد الصحيان من النوم على طول، بيضر بالجهاز الهضمي بشكل كبير، لإن القهوة مشروب حمضي، ومش مُستحب خالص تدخل المعدة وهي فاضية.
حسب كلام الخبراء بجانب كده، تناول القهوة الصبح قبل الفطار، بيسبب أضرابات في الهرمونات وبيصيب الإنسان بالتوتر، بالإضافة لزيادة فرص ظهور حب الشباب، ده غير أضرار كتيرة منها: ارتفاع ضغط الدم - زيادة ضربات القلب - قرح المعدة - ارتفاع نسبة الكوليسترول في الدم.
فلو أنت من الناس اللي بتحب تشرب قهوة الصبح، بينصحك خبراء التغذية، بتناول إفطار صحي قبلها، أو على الأقل ماتكونش هي أول حاجة تنزل معدتك.
