النهارده، 3 أغسطس، بيحتفل العالم باليوم العالمي للبطيخ، فاكهة صيفية مبهجة، مايختلفش على حبها اتنين، بترطب وتطبطب على قلبك، ده النظرة ليها بس تحسسك بالطراوة، ما بالك بقى لما تاكلها. خصوصًا بقى لو حمراء ومعسلة. 

وبالمناسبة تعالوا نعرفكم أكتر عن البطيخ: 

1- البيطخ مش بس أحمر، ده في حوالي 1200 نوع مختلف من البطيخ، وبألوان وأحجام مختلفة منها: " الوردي والأبيض والأصفر".

2- بيحتاج البطيخ من 85 لـ 100 علشان ينضج.

3- البطيخة الواحدة تحتوي على 92 % مياه.

4- البطيخ بيتاكل كله، قشره مليان فوائد صحية، وأوقات بيتعمل مخلل.

5- أصل زراعة البطيخ كانت في إفريقيا، واتنقل بعدها لأوروبا وآسيا.

6- أول حصاد مسجل للبطيخ كان من حوالي 5000 سنة في مصر، تم تصويره بالهيروغليفية على جدران المباني القديمة.

7- في اليابان بيزرعوا البطيخ على شكل مكعبات وقلوب، من خلال وضع البذور في قوالب بأشكال معينة.

8- الصين من  أكبر الدول المنتجة للبطيخ، والدليل على ده إنها انتجت 38 مليون بطيخة سنة 2020.